Plantun de Prouvènço

Pèr coumpara dos planto d'encò nostre

Stellaria holostea & Carex viridula

Grame-flouri

Stellaria holostea

Caryophyllaceae

Autre noum : Esteleto.

Nom en français : Stellaire holostée.

Descripcioun :
Aquesto planto, di proun coumuno en Éuroupo, trachis au nostre subretout dins li bos fres di valado dis Aup marino. Se recounèis à si gròssi flour blanco e à si fueio primo e redo que fan pensan à li di gramenun (grame-flouri).

Usanço :
La planto èro acampado e manjado en ensalado en Bousnìo (F. Couplan, op.cit. p. 156). Chaplado, servié pèr sougna li fleiroun.

Port : Erbo
Taio : 10 à 40 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Stellaria
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 1 à 1,5 mm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Mars à juliet

Liò : Bos fres - Baragno - Orle de bos
Estànci : Subremediterran à Mountagnard
Couroulougi : Éurosiberiano
Ref. sc. : Stellaria holostea L., 1753

Queirello(-verdasso)

Carex viridula

Cyperaceae

Àutri noum : Moutouso, Sagneto.

Noms en français : Laîche tardive, Laîche verdâtre.

Descripcioun :
La queirello-verdasso trachis en mato dins li palun e li limas de ribiero, d'aqui e d'eila. Fai partido dóu group di Carex pulèu pichot qu'an uno espigueto masclo e 2 à 6 espigueto femello. Aqui dedins, fai tambèn partido de l'ancian group que caupié uno souleto meno (Carex viridula emé tres subsp.) e qu'aro n'en caup 3. Pensa de coumpara emé Carex demissa e Carex lepidocarpa. Se n'en destrìo nourmalamen que soun espiguet mascle fai mens de 1 cm emé un pecou courtet o sans, que sis utriculo soun quàsi pas di dos dènt. Peréu trachis sus cauquié e noun sus siliço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 5,5 à 8 mm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Abriéu à óutobre

Liò : Palun - Pelouso umide - Ribiero
Estànci : Termoumediterran à Mountagnard
Couroulougi : Bourealo
Ref. sc. : Carex viridula Michx., 1803 (= Carex viridula subsp. viridula Michx., 1803 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Stellaria holostea & Carex viridula

ges

Coumpara Grame-flouri emé uno autro planto

Coumpara Queirello(-verdasso) emé uno autro planto